اللحين .. حلم البنوته اللي لها لون عيون غامق باللون الفاتح ماصار مستحيل ع طوول أي وحده تبي تغير لون عيونها ويصير ششي ثاني ، نصصرخ ونقول : عندك العدسسسات طبي وتنقي .
طيب وش هي العدسه ؟
.
العدسات الاصقة : طبقة رقيقة تستخدم لتصحيح النظر أو للزينة .
طيب
العدسات نوعين / وكل نوع له شكل
.
عدسات صلبة - عدسات لينة
طيب وش الفرق ؟
الفرق :
ان العدسات اللينه تكون مريحه بشكل كبير للعين لكنها تمسك الغبار وحساسةجداً .
بالنسبة للعدسات الصلبة ..
مريحة للعين لكنها صحيه بدرجه عاليه جداً .
طيب ~
تقولين وش أختار ؟
تختارين ي قلبي النوع الثاني ( العدسات الصلبة ) ، لأنها مريحه وصحيه لأبعد حد !
بعد تجيك العدسات : يومية - أقل من شهرين - 6 شهور فما فوق .
شلون يعني ؟
يعني فيه عدسات تستخدم ليوم واحد فقط بعدييين ترمى خلاص ، مثل الناس اللي ماتحب العدسات صار عندهم عرس تشتري هذولي << سوت سالفه لوووول .
,
لكن البنوتات اللي تستخدمها للمدرسه أو غيرها .. فتآخذ العدسات الي تكون مدتها طويله ، طبعاً راح تكون أغلى ..
,
تجي العدسات : شفافة - ملونة .
اللي تبي العدسات للمدرسه
نصصيحه مني
خوذي شفاف
عشان مانخرج من ملة المدارس لوووووول
,
كل هالق لق اللي فوق مهم للي تبي تشتري أو تعرف عن العدسات ، عشان تعرفين وش النوع اللي يناسبك ..
نجي لاستخدامات العدسات .
1- تستخدم لتصحيح النظر .
2- تستخدم للزينة .
3- بديلة للنظاره .
,
هذولي أبرز اسباب لبس العدسات اللاصقة مافي شي مو وآضح أعتقد.
طيب .. وش هي أضرار العدسات ومساوؤها ؟
,
آنا ماحبيت اجيب اضرارها الطبيه لأنك بتكونين ماوفيه كل شروطها الصحيه ، وماعليها بإذن الله أضرار بس بشرط !!
آنك تلبسينها للمناسبات معينه مو كل يوم
آذا كان الجو غببار ممنووع وخطر خطر خطر هذاني اقولك .. !
وترا في وحدة مجربه كان الجو مو صافي مره ولاحظوا مو غبار !
اقسم بالله ي بنات بذاك اليوم احمرت عيونها وبس تدمع وألم فظييع مع ان عدساتها من ماركه ممتازه
فـ عشان كذا ي بنات لا تلبسونها والجو مو صافي حتى لو كان الجوو مافيه الا ذره غبار .
~
طيب وش هي مساوؤها ؟
,
لا تطولين أظافرك ي حلووه دامك تستخدمين عدسات مثل ماقلت قبل "
العدسة رقيقه ووممكن بأظافرك الطويله تمخشين عينك أو العدسه .
,
لا تلبسينها من غير ماتغسلين ايدينك اذا كنتي زوله لا تشترين عدسات ، من اللحين أقولك
العدسات يبي لها عنايه من اللحين اقولك عشان عينك ترا .
,
محلول أو قطره عدسات تنفع لعين صديقتك .؟ عينك انتي لا .. !
انتبهي تستخدمييين قطره عين للتنظيف أو محلول بمجرد إن صديقتي حليو والله ومكيفه معه !
خطأ وأكبر خطأ ..!
,
علبة العدسات .. يومييا لازم تغيرين المحلول وتنظفينها .. شوفي اذ شلتي العدسات وحطيتها بالعلبة .. أوك ؟
افتحي العلبة بعد 3 دقايق وشوفي وش فيه ..
بتلقين شوائب من نفس العدسه لانك طول خمس ساعات مثلاً لابستها .. فضرووري ضروري
تغيرين المحلول
,
لا تلبسين العدسات وأنتي ناويه : تسبحين + بتروحين لمكان بتجلسين فيه فوق 7 ساعات
.
هذولا أبرز التوجيهات
لي باك مع ماركات العدسات
الثلاثاء مايو 28, 2013 5:30 am